«Жазғы демалыс алаңы»
2016 жылдың маусым айының 16 жұлдызынан бастап 26 тамызға дейін жерлестерімізбен аудан қонақтарына«Жазғы демалыс алаңы» жобасы өз жұмысын бастады. Жазғы айлардың бейсенбі күндері сағат 10-00-ден бастап 13-00-ге дейін кітапхана қызметкерлері ашық аспан астында аудаңдық орталық кітапхананың «Оқырмандарға қызмет көрсету» бөлімі және «Абонемент» бөлімдерінің аға кітапханашылары Индира Асқарова мен Еркем Смағұлова Аудандық әкімі аппаратының алаңында қызмет көрсетті.
«Жазғы демалыс алаңы» жобасының аудандық орталық кітапхана жүйесінің кітапханашылары кітапханаға жаңа оқырмандарды тарту, кітап және журнал-газеттер оқу, кітапқа деген қызығушылығын ояту мақсатында өткізіліп отырғанын айтып, әр түрлі саладағы әдебиеттерге шолу жасалып, насихатталды және де жаднама таратылды. 60-ге жуық әр түрлі саладағы басылымдар қойылған. Іс – шара аясында әр келген оқырмандарға Ботақара кентінің 115 жылдық мерей тойына байланысты «Ботақара – туған өлкем» атты викторина-көрмесін ұйымдастырылды. Викторина сұрақтарына дұрыс жауап берген ойыншыға кітапхана атынан ескерткіш сыйлықтар табысталды. Әр бейсенбі сайын әр түрлі тақырыпқа арналған көрмелер, викториналар және қызықты сағаттар өткізіледі.
Акцияның көздеген мақсаты – азаматтардың уақыттарын үнемдеу арқылы кітапхана оқырмандарының санын арттыру болып табылады.Жоба қорытындысы бойынша бірнеше күннің ішінде 21 астам жаңа оқырмандар және 40 астам тұрақты оқырмандарға қызмет көрсетілді.