«Дуалы ауызды Дулат ақын»
2016 жылдың 10 маусымында кітапханаларды дамыту бөлімінің ұйымдастыруымен Ботақара селолық клубында Ботақара селолық кітапханасының кітапханашысы Сахимова Бақыт және Тоғызқұдықселолық кітапханасының кітапханашысы Абуова Анардың дайындауымен «Бір ел – бір кітап» акциясының биылғы жылғы таңдау түскен көрнекті ақын, жырау Дулат Бабатайұлының «Өсиетнама» кітабы бойынша «Дуалы ауызды Дулат ақын» атты қорытынды кеші өтті. Кешке 34 елді мекеннен кітапханашылар мен оқырмандар белсене қатысып, ат салысты. Клуб сахнасы жартылай киіз үй тәрізді безендіріліп, түсті тұскиіз бен түрлі аңдардың терілері, қасиетті домбыра ілінген. Шараға орай «Азаттық жырының ақтангері» атты кітап көрмесі ұйымдастырылды. Аталмыш шара Дулат ақынның «Еспембет» дастанынан үзінді қойылыммен ашылды. Тоқсандағы ер Қосай – «Зерде» бейнемобилінің қызметкері Жұмағали Елжанов, он төрт жасар Еспембет – 5-сынып оқушысы Ақжан Шыныбек көрермендер назарына жыр диалог ұсынды. Одан кейін кеш жүргізушісі, сценарий авторы, ақын, Тоғызқұдық селолық орта мектебінің мұғалімі Сұлтан Дәулетхан шығып, Дулат ақын кешіне кіріспе сөз айтып, ортаға Ботақара селолық орта мектебінің мұғалімі Ақан Құмайды «Дулат Бабатайұлы шығармаларының көркемдік ерекшелігі» баяндамасымен шақырды. Көрермендерге Дулат ақын туралы мәліметтер слайдпен толықтырылып отырды. Осыдан соң ортаға селолық кітапханаларда өткізген
мәнерлеп оқу сайысынан үздік шыққан оқырмандар шақырылып, ақынның өлеңдері оқылды: «Қылығың қылжаң туысқан» – ПМБ оқырманы Сұраған С
ымбат, «Ақтанға» – Ақбел оқырманы Олжабай Айдар, Тоғызқұдық оқырманы Ясын Айым,
«Кешегі бір заманда» – Центральный оқырманы Осепян Сиран, Ботақара оқырманы Майрол Роза, «Сандықтас» – РДБ оқырманы Төпенов Нұрлыбек, «Шаштараз» дастаны – Қарақұдық оқырманы Амантаева Ақбота. «Жас кезеңі» атты термесін «Зерде» бейнемобилінің қызметкері Қайролла Маемеров орындады. Кешке ақын Ақан Құмай «Арнау жырымен», ЦРБ оқырманы Семейхан Серікгүл «Арнау өлеңімен» нүкте қойды. Ботақара және Тоғызқұдық кітапханашыларының өздері дайындаған естелік сыйлықтары және алғыс хаттарын ОКЖ директоры Тақырова Айман табыстап, барша қатысушыларға алғысын білдірді. Кеш соңында Ботақара селосының әкімі С.Тышқанбаев құттықтау тілегін білдірді.
